ماعاد يكتب في جروحه / فتاة عمان الشاعرة ميثا الغافري Japan

🌹🌹🌹 نص القصيدة شاعرك ما عاد يكتب في جروحه واختلف في فكرة ابياته وبوحه واختلافه ما اقتصر ف ابيات شعره اختلف في ضحكته وسيره وطموحه من عرفتك صار ما للحزن داعي إلا حزن الشوق لك في كل روحه ولو يمد الرأي لشعور الأماني قبلة الأيام ما تاخذ طروحه والفراغ اللي احتوى صدر الليالي ما استمع له يوم زيّد صوت نوحه مزرية الايام كانت قبل شوفك منخذل صبري ومن سمّى ع روحه من يطبطب له إذا منهم تأذى من يقوي عزمه بضحكه ومزوحه جيتني وارويت غيم السعد بيدك واينعت بي في خفايا الروح دوحه بك تحفى العمر واستانس زماني والعجيب ان الأسى أعلن نزوحه حتى منطوق القصايد بك تجدد من عطا وصلك بدا يبني صروحه تمتلك أشياء زاد بها ثباتي يا سند حلمي وآماله وطموحه شاعرك ممنون لوجودك بشعره ويشكرك جداً على الحب ووضوحه ------- ✍️فتاة عمان ميثا الغافري

Category