قورمه سبزي شبزي _ عمر الكندري Japan

قورمه شبزي • • • @kanderyo لحم مسلوق مع بهارات صحيحه وبصل وثوم وكركم شوي خضار مقطعه ناعم عدل ( بقدونس ، كزبره ، شبنت ، كرفس، سلق ، بقل ،سبانخ ) وفي ناس تحط حلبه انا ما احبها *طبعا استخدمت نوع جاهز وضفت عليه شبنت وسبانخ شوي بصل مقطع طماط مقطع صغار فلفل حار بطاط اختياري فاصوليا حمره البهارات فلفل اسود فلفل احمر ليمون اسود كركم هيل ناعم مسمار ناعم شوي ليمون اسود حب ملح @kanderyo • • • 🔻الطريقه🔻 نحمس خضرا الشبزي اكثر شي يطول طبعا على نار وسط اول شي بعدين نقصر عليها لازم تنحمس عدل لين تطلع كل الماي الي فيها وتربط الخضرا مع بعض يبيلها ساعه حماس اكثر كل ماتحمسون اكثر تطلع احلى والاحسن تسون كميه تحمسون وتالي تحطونه بالفريزر حق الاستعمال يكون جاهز اسهل للوقت وجذي • • • @kanderyo بعد ماتنحمس الخضرا وتاخذ لون غامج اشيلها ،،، احمس بصل وفلفل لين يتغير لونهم اضيف ثوم احمسه تطلع ريحته اضيف البهارات بعدين اللحم الي سلقته قبل واحمس واضيف البطاط واحمس اذا تحبون معجون حطو شوي انا اكتفي بالطماط انطره لين يذبل ويستوي البطاط احط ماي سلق اللحم عليه ولومي اسود وانطر اخر عشر دقايق احط الفاصوليا تقلب بوعشر دقايق ويصير الشبزي جاهز ،،،،، تقدمونه مع عيش زعفران وعليكم بالعافيه • • • في ناس تحط فاصوليا بيضه كيفكم وطرق الشبزي تختلف من بيت لي بيت وايد طرق @kanderyo

Category