خالد ال بريك - مايبهج الخاطر الا موقف الدوسري - سلام مني ي الدواسر سلام 2023 حصرياً Japan

مايبهج الخاطر الاموقف الدوسري البارحة يوم كلٍ مهتني بالمنام سريت في ليلةٍ ديجور ما تنسري واشعلت نارٍ سناها فالدجاء شق خام لعلّها كل ما توضي تجيب خبري مانيب سامر على شان الهوى والغرام لا و الله إلا من الثنتين هذي بري حتى بدا الصبح بإشراقه يزيح الظلام والصدر لمصافح انسام الفجر يحتري صليت لي ركعتين وقمت خلف الامام واصبحت صبحٍ يغيض اللاش و المزدري قد لي من الشعر مدة و المثايل حيام واليوم صفت جنوده عسكري عسكري تبخترت من عيون الشعر غاية مرام عصماء خذت لبّ أبو تمام و البحتري يشوقني نص بيت القايل الدرب شام ما زدتني شوق ياللي لابس الغندري الشعر ما يكبر الا في كبار المقام يا لين تنقش حروفه مثل نقش الزري والله مانيب من يمدح فروخ الحمام اليا مدحها الهبيل اللي براسه فري انا علي عهد و يمين و علي الحرام ما أمدح سوات الحرار اللي تشوق نظري مدوح خطلان الايدي فوق صدري وسام تختال و تعانق المريخ و المشتري سلام مني عليكم يالدواسر سلام ينصى عموم الدواسر دوسري دوسري في مدحكم ما يعاب الشاعر و ما يلام غنيت وانا جري وأرهيت وانا جري انتوا كرام العرب ما دام فيهم كرام من غير لا أهضم مقام الطائي الشمري أيمانكم كنها مخلوقه من الغمام فالطيب والمرجلة والا المقام الطري عمار يا اللابة اللي في الظروف الجسام تبهج عيون الصديق و تلطم المفتري الجار تاسم عصاه وعندهم ما يضام علمٍ دري عنّه اللي غافل ما دري من ماضي الوقت يوم الفقر و الانقسام والدوسري مجلسه للضيف مجلس ثري الضيف لا ضافهم يلقى كرم و اهتمام يقلط على العود و الدلة و تمر السري من كثر ماقدموا للضيف فرخ السنام ما عاد فالسوق حشوٍ تجلب و تنشري ذولا الدواسر حزام اللي يدور حزام لا صار طعم الشهد يشبه لطعم الشري لفعولهم كم هنوفٍ طوحت باللثام لا صاحت و جيبها من هولها منفري مخضبين القنا و متيّهين الجهام في كل حدٍ مخيف و كل قفر مري قوم تضد العنيد اللي بخشمه عرام من وقعهم والله ان يبطي وهو ما بري واثني مديحي على الهدلاء وفاء و احترام الشيخ سلمان شوق الجادل الغشمري شيخ يسد الطلب في النايبات العظام يقلط على الكايدة ما هوب يرجع قري مجد ابو سلطان شامخ بين ساير الانام واسمه قرين النعايم كل ما ينطري ضيفان قصره مثل ضيفان باب السلام و الضيف ما يقلط الا سد بيتٍ ذري واليا بغيت الكلام اللي عليه الكلام ما يبهج الخاطر الا ماقف الدوسري كلمات : علي الشناني اداء : خالد ال بريك تنفيذ : اهتمام الدوسري .. من فضلك : اشتراك 🔔 Subscribe - لايك Like فعل الجرس 🛎 ليصلك كل جديد تصميم : اهتمام الدوسري ______________________ للتواصل والاستفسارات : الحسابات الرسمية لـ قناة اهتمام الدوسري . ‏SNAPCHAT : P.5BF ‏Whatsapp : ‭050 608 9787‬ #الرجبان #الدواسر #خالد_ال_بريك

Category